!
Hugleiðingar forða- og eðlisefnafræðistúdínu
Hugleiðingar forða- og eðlisefnafræðistúdínu
... beðist er afsökunar á nördaskap ...
30.6.03

Starfsmenn á rannsóknadeild Orkuveitunnar fást við ýmis spennandi verkefni, eins og þessi pistill ber með sér... Það eru nú ekki allir sem leysa lögreglumál í vinnunni (nema þeir sem eru í löggunni náttla...) !
Ég er sybbin í dag, fór greinilega of seint að sofa, það á ábyggilega líka eftir að gerast í kvöld.

25.6.03

Í dag er ég eirðarlaus. Er að bíða eftir teikningum í tonnavís sem verða ekki tilbúnar fyrr en á föstudag svo í dag bora ég í nefið og glugga í misskemmtilegar skýrslur. Meika ekki annan svoleiðis dag svo ég býst við að ég skelli mér austur á morgun.
Vitiði annars hvort það er búið að fella niður innritunargjöldin í HÍ þetta árið? Ég spyr því að þau bara gufuðu allt í einu upp undir flipanum "ógreiddir reikningar" í heimabankanum mínum og ég var aldrei búin að borga þau svo mér þykir þetta mál hið allra dularfyllsta...

24.6.03

Híhíhí... það er til "Adult adition" af nýjustu Harry Potter bókinni. Ætli að það sé eitthvað dirtý í henni ? Svona galdrakalla- og kellinga kynlífssvall eða eitthvað ... Þá bið ég nú frekar um barnaútgáfuna.

Þetta var sko uppáhaldsbarnatíminn minn þegar ég var lítil ásamt Bangsa bestaskinni (hét hann annars ekki það, amk hét vinur hans Gormur ef þið fattið ekki hvað ég á við). Það væri sko ótrúlega gaman að horfa á eitthvað af þessu aftur... ganga svona hálfvegis í barndóm ...

Mér er búið að takast að vera á stuttermabol einum fata (að ofan, þ.e.) í meira en klukkutíma í vinnunni. Það er frekar magnað í ljósi þess hve loftræstingin er búin að vera í miklu rugli hérna... Annaðhvort er hún eitthvað komin í lag eða þá að kuldaskræfan er bara farin að vaxa af mér. Ég hallast frekar að því síðarnefnda...

23.6.03

Ég er búin að lesa nýjustu Harry Potter bókina og er bara mjög sátt við hana. Reyndar var hún dálítið löng, næstum því 800 blaðsíður en það er bara betra.
Skrapp í Bláa lónið í gær með Gyðu en það var því miður ekki blátt heldur grátt. Við leituðum ákaft af hvítri leðju til að maka framan í okkur en fundum bara gráa leðju sem var með svo ógeðslega mikilli skítafýlu að það var bara ekki hægt að bera hana á sig sökum stækju. Mér finnst nú lágmark að fá blátt lón og almennilega leðju sem lyktar sæmilega fyrir þær 930 krónur sem það kostar að svamla í Bláa lóninu...

20.6.03

Júhú. Í dag er alveg hreint magnað veður sem er gott mál því ég verð stödd á Nesjavöllum í allan dag. Ætli maður nái sér í smá lit í leiðinni ? Annars horfði ég á 8 mile í gær og ómægod hvað hún er hæg. Ég bara ætlaði ekki að trúa því að hún væri búin þegar hún var búin því það gerðist ekkert markvert fyrr en bara í síðasta atriðinu. Er það djamm um helgina ?

19.6.03

BuHu
Það hlaut að koma að því að ég yrði ósátt við matinn í vinnunni... Þetta var farið að vera of gott til að vera satt. Í dag var ítalskur dagur og ég bjóst við spaghettí, pasta eða pizzum (nammi nammi namm)... Því miður varð mér ekki að ósk minni. Reyndar var boðið upp á pasta en það var með kolkrabbalöppum (og sogskálarnar á þeim sáust geðveikt vel og allt) og ekki hafði ég lyst á því (og missti reyndar svo til alveg matarlystina við að skoða þessar lappir). Svo var líka eitthvað skrýtið kjöt í boði sem var vafið inn í hráskinku (ullabjakk !). Það allra versta var þó eitthvað gult gums sem enginn vissi hvað var og lyktaði frekar illa... semsagt: magur hádegismatur hjá mér í dag.

18.6.03

Kraftaverkin gerast enn !
Alveg hreint magnaður atburður átti sér stað á sunnudaginn þegar ég stoppaði í sjoppu á Hólmavík á leið í bæinn. Þar keypti ég mér hálfan líter af diet kók sem væri svosem ekki í frásögur færandi nema fyrir þær sakir að það var vinningur í tappanum... og ekki bara vinningur á aðra kók, skopparabolta eða álíka prump heldur vasaútvarp. Ég á ennþá bágt með að trúa þessu því þrátt fyrir mikið gosdrykkjaþamb síðustu sumur (sem og vetur reyndar) hef ég aldrei nokkurn tímann fengið neinn vinning í sumarleikjum sem þessum. Var ég reyndar farin að efast um að það væru yfir höfuð einhverjir vinningar í gangi... þetta væri ábyggilega bara plat. Reyndar á eftir að koma í ljós hvursu flott og gott þetta vasaútvarp er.

Á morgun eru 88 ár frá því að konur fengu kosningarétt. Af því tilefni eiga allir jafnréttissinnar að klæðast bleiku eða bera eitthvað bleikt á morgun ! Ætli ég láti samt ekki nægja að vera með bleika teygju í hárinu...

17.6.03

Gleðilega þjóðhátíð öll sömul :0)

16.6.03

Það er bara fullt af sniðugum fréttum á mbl.is í dag... Ég benti ykkur áðan á þessa hér en ég er ekki frá því að þessi sé bara sniðugri. Reyndar hef ég sterkan grun um að Siggi sé sökudólgurinn í báðum tilfellunum...

Úff, ég er sem lurkum lamin eftir að hafa verið fangi í þrælabúðum norður á Ströndum yfir helgina... samt var nú ansi gaman þrátt fyrir að lítið hafi verið um hvíld og notalegheit. Kom samt því miður svo seint í bæinn í gærkvöldi/nótt að ég missti af saumaklúbb hjá Heiðrúnu gellu. Það var nú ekki skemmtilegt því ég hefði verið meira en til í kökur og gúmelaði til að safna orku fyrir enn aðra fjögurra daga vinnuviku.
Annars eru slæmir tímar framundan, á morgun er nefnilega síðasti frídagurinn fram að frídegi verslunarmanna. Mér finnst þetta með eindæmum illa gert gagnvart vinnandi fólki, maður er búinn að venjast fjögurra daga vikum og mér finnst ekki nema sjálfsagt að maður fái aðlögunartíma (með aukafríum) til að venja sig við lengri vinnuvikur...
Kannist þið annars við þennan hér ? Frekar fyndin frétt...

13.6.03

Aukalífeyrissparnaður
Hvað er eiginlega málið með fólk sem er alltaf að reyna að troða þessum aukalífeyrissparnaði upp á mann. Ég fékk amk 6 símtöl um þetta í vetur og í gær var einhver kelling mætt upp í vinnu og vildi endilega kynna mér allt um þetta. Hún varð síðan voða sár þegar ég sagði bara pent nei, ég væri í skóla og ynni þar af leiðandi 3 mánuði á ári og hefði bara ekki efni á því að fara að borga eitthvað aukalega í lífeyrissjóði sem ég á eftir að borga í allt mitt líf !!! Við þessar upplýsingar setti hún upp voða vanþóknunarsvip og þröngvaði upp á mig nafnspjaldinu sínu svo ég gæti nú haft samband við hana þegar ég myndi skipta um skoðun...
Er ég ein um að finnast fáránlegt að þetta sölufólk skilji ekki að námsmenn eru bara ekkert að hafa efni á aukalífeyrissparnaði ?!?

11.6.03

Eiður Smári er búinn að fá launahækkun og þénar nú um 3,7 milljónir á viku. Nú ætti hann aldeilis að geta dembt sér á fullu aftur í spilavítin... Hvað er 50 milljóna tap í spilavíti milli vina þegar vinurinn fær 3,7 millur á viku fyrir að sparka í tuðru ?!?

Hey, ég sem hélt alltaf að Audrey Hepburn væri karlkyns leikari... silly me !
Ég var annars ógó dugleg og hjólaði í vinnuna í morgun og það tók innan við 20 mínútur...

10.6.03

Í dag er ekkert gaman í vinnunni. Ég er að lesa leiðinlegar skýrslur og hádegismaturinn var afspyrnuslappur (meira að segja salatbarinn var í lakari kantinum). Ætli að það endi ekki bara með því að ég rölti niður og fái mér eitthvað nammigott til að hressa mig við í skýrslulestrinum.
Hvað er svo eiginlega málið með Ísraelsmenn ? Afhverju fá þeir alltaf að komast upp með að sprengja hina og þessa Palestínumenn á meðan hinir síðarnefndu mega varla hreyfa á sér rassgatið. Ég þoli ekki Ísrael og allra síst Sharon !

9.6.03

Las einhversstaðar blaðagrein um daginn þar sem misþekktir einstaklingar voru fengnir til að lýsa því einkanúmeri (á bílinn sinn sko) sem þeim langaði mest í. Frikki Weis sagði að honum þætti einkanúmer bara vera fyrir plebba en ef hann þyrfti endilega að velja sér eitt svoleiðis þá yrði maus fyrir valinu. Mér fannst þetta frekar fyndið svar því að mínu mati er Frikki Weis plebbi plebbanna...

6.6.03

Jæja, þá eru allar einkunnir loksins komnar í hús og sama gildir um námslánin :0)
Er að fara upp á Hellisheiði að fylgjast með borun á holu HE-9 og líka að koma fyrir hinum ýmsu mælitækjum. Akkurru gat ekki verið sól og hiti fyrst ég er að fara út ???
Annars kom Siggi með aldeilis góða uppástungu um hvað gerðist á Hvítasunnu... Hann heldur því fram að Jesús hafi vitrast Páli postula og sá síðarnefndi hafi talað tungum. Ég er bara ekki frá því að ég hafi lært eitthvað um þetta í grunnskóla. Go Siggi !

5.6.03

Umboðsaðilar Durex á Íslandi gefast greinilega ekki upp þó að Fréttablaðið hafi hætt birtingu á stellingu dagsins. Nú auglýsa þeir bara í mogganum (í lit og allt) og líka í útvarpinu. Áðan þegar ég var að keyra heyrði ég stellingu dagsins lýst í auglýsingu sem átti að vera eitthvað eggjandi - en hún var allt annað en það. Textinn var eitthvað á þessa leið: Stelling dagsins er XXX (man ekki nafnið). Maðurinn kemur sér þægilega fyrir í hægindastól og konan sest öfug ofan á hann (semsagt snýr í hina áttina). Maðurinn lætur svo fara vel um sig á meðan konan fer upp og niður - upp og niður - upp og niður - upp og niður...
Frekar leim finnst mér...
En veit annars einhver hvað gerðist á Hvítasunnu ? Afhverju er það hátíðisdagur ? Ég hef spurt fjölda fólks en enginn virðist hafa svarið á reiðum höndum.

Hmmm.... er Haukur ekki í Keflavík ??? Ætli hann sé það miður sín yfir að sjá milljarða Dorritar ganga sér úr greipum að hann grípi til svona örþrifaráða ???

Það er greinilegt að bankarán hafa komist í tísku í undirheimum landsins. Bankaræninginn í Sparisjóð Hafnafjarðar reið á vaðið 1. apríl, í kjölfarið var Sparisjóður Kópavogs rændur (þýfið er enn ófundið) og í dag var framið bankarán í Landsbankanum í Grindavík. Ég verð nú að segja að ég er bara ánægð með að vinna ekki í banka... Hérna uppi í Orkuveitu sést lítið af misyndismönnum borgarinnar, nema að einstaka sinnum ráfa rónar hingað inn og þykjast vera að skoða listaverk en ég held að þeir séu að vonast eftir afgöngum úr mötuneytinu...
En út í allt aðra sálma... Hagkaup ætlar víst að selja snyrtivörur á fríhafnarverði um helgina sem kemur sér afskaplega vel fyrir mig þar sem mig vantar einmitt slatta af sminki en tími ómögulega að borga virðisaukaskattinn sem lagður er á þær. Afhverju er annars 24,5% virðisaukaskattur á snyrtivörum... Ég hélt að það væri bara svo hár skattur á lúxusvörum... Ég myndi ekki kalla snyrtivörur lúxusvörur, hvers á ljóta fólkið að gjalda ???

3.6.03

Fussumsvei !
Páll Valdimars er apparently ekki ennþá byrjaður að fara yfir orkuferlaprófið og það eru liðnar 3 og hálf vika síðan við fórum í það !!! Þetta er náttúrulega bara hreinn og klár dónaskapur.
Sem betur fer fékk maður eitthvað útborgað um mánaðarmótin þar sem námslánin eru greinilega ekkert á leiðinni...
Mér finnst að það ætti að sekta prófessora sem eru svona lengi að skila ! Það myndi kannski drífa þá áfram í yfirferðinni.